إعداد_محمودابومسلم
مدير مكتب الشرقية
دكتور عزت عبدالحميد الجندي أخصائي القلب والأوعية الدموية يقدم روشتة علاجية لجمهور جريدة “الجمهورية اليوم “يقول “أمتي ابدأ اعالج ارتفاع ضغط الدم وأقول انا مريض ضغط”
لو سنك تحت ال ٨٠ سنة ضغطك ١٤٠/٩٠ فما فوق لاكثر من قياس مختلف ف أوقات مختلفه
فانت كدا محتاج تدخل لعلاج ضغطك
ركز معايا ولو ضغطك تحت ال ١٦٠/١٠٠ انت ممكن تدي جسمك
فرصه قبل أخد ادوية الضغط بشرط عدم وجود سكر او قصور مزمن بالكلي ف التزامك باكل صحي ومنع الدهون واالاملاح تماما ف اكلك وممارسة الرياضة وحرق الدهون ونزول الوزن وتظبيط الكوليستيرول ودهون الدم الثلاثيه لمدة من ٣ ل ٦ شهور
وتعيد متابعة ضغطك بعد هذا الالتزام لو استمر مرتفع لابد من اخد علاج للضغط وبشكل مستمر ومنتظم
ولو ضغطك م البداية فوق ال ١٦٠/١٠٠ انت لازم تاخد علاج ضغط فورا.
ولو سنك فوق ال ٨٠ سنة فانت ضغطك الطبيعي تحت ال ١٦٠/٩٠ وتاخد علاج فقط لو اعلي من كدا غير كدا دا الطبيعي بتاعك بناء علي سنك
أخيرا لو انت مريض ضغط وملتزم بعلاجك وجرعاتك وضغطك ١٤٠/٩٠ فيما فوق لابد من زيارة الطبيب لزيادة ادوية الضغط اللازمه لتظبيطه عن كدا ومنع اي اسباب مسبببه ف ارتفاعه سواء ادوية غير مناسبة مع ادوية الضغط او امراض اخري مسببه لارتفاعه
ضغط لابد مع العلاج يبقي اقل من ١٤٠/٩٠.
